మీ ఫొన్ ఇక ఎక్కడ పోదు.

ఫోన్ పోయిందా? ట్రాక్ చేయండిలా...!
సైట్లన్నీ వెతికి, ఫీచర్ల గురించి కనుక్కుని ఎంతో ఇష్టంగా
కొన్న ఖరీదైన ఫోన్ ఎక్కడో పోతే...? బాధపడుతూ కూర్చోవాల్సిన పని
లేదు. ఏ స్థలంలో మరిచిపోయారో, ప్రస్తుతం ఆ ఫోన్ ఎక్కడుందో
క్షణాల్లో తెలుసుకోవచ్చు. ఎవరి చేతుల్లో ఉందో వారి ఫోటోలు
కూడా సంపాదించొచ్చు. మర్యాదగా ఫోన్ తెచ్చి అప్పగిస్తావా లేక నీ
ఫోటో పోలీసులకు ఇవ్వమంటావా అని మెసేజ్ పెట్టొచ్చు. మీది
ఆండ్రాయిడ్ మొబైల్ అయితే కనుక
ఇది సాధ్యమే. ఎలాగో చదవండి.
మాదాపూర్లో ఉండే రవి ఫ్లిప్కార్ట్లో ఇటీవలే కొత్త స్మార్ట్ఫోన్
కొన్నాడు. ఆకట్టుకునే లుక్, అద్భుతమైన ఫీచర్స్ ఉన్న ఆ ఫోన్
చూసిన తన స్నేహితులు సైతం సూపర్ ఫోన్ అన్నారు.
ఆండ్రాయిడ్ లాలిపాప్తో వచ్చిన ఆ ఫోన్ రవికి తెగ నచ్చేసింది. కానీ అది
మూన్నాళ్ల ముచ్చటే అయింది. సెలవు రోజున సూపర్మార్కెట్
కు వెళ్లిన రవి ఫోన్ ఎక్కడో పోగొట్టుకున్నాడు. ఆ రోజు
విపరీతమైన జనం. ఫోన్ ఎవరికి దొరికిందో తెలియదు. వెంటనే ఫోన్
చేస్తే స్విచాఫ్ అని వచ్చింది. దాంతో రవి దిగాలుగా మారిపోయాడు.
ఎంతో ఇష్టపడి కొన్న ఫోన్ నెల రోజులు కాకముందే పోవడంతో బాగా
బాధపడ్డాడు.
రవి స్మార్ట్ఫోన్ అయితే కొన్నాడు కానీ, యాంటీ థెఫ్ట్ యాప్స్ మాత్రం
ఇన్స్టాల్ చేసుకోలేదు. దానివల్ల ఖరీదైన ఫోన్ ఎక్కడ పోయిందో
కనుక్కోలేకపోయాడు. ఒకవేళ తను యాంటీథెప్ట్ యాప్స్ ఇన్స్టాల్
చేసుకుని ఉంటే తన ఫోన్ సులభంగా దొరికేది. ఫోన్ పోతే వెతికిపెట్టే
యాప్స్ ఇప్పుడు చాలానే ఉన్నాయి.
గాట్యా!
మీ డివైజ్కు పర్ఫెక్ట్ సెక్యూరిటీ కావాలంటే ఈ యాప్ని
ఎంచుకోవచ్చు. ఒకవేళ మీ ఫోన్ను ఎవరైనా తస్కరించి స్ర్కీన్లాక్ని
తప్పుగా ఎంటర్ చేసినట్లయితే ఫ్రంట్ ఫేసింగ్ కెమెరాతో వారి
ఫోటోలను సైలెంట్గా తీసి మీ రిజిస్టర్డ్ మెయిల్కు పంపిస్తుంది.
ఫోన్ ఏ లొకేషన్లో ఉందో గూగుల్ మ్యాప్లో చూపిస్తుంది. ఆ
లింక్ను మెయిల్ చేస్తుంది. ఫోన్ మీరున్న ప్రదేశానికి దగ్గరలోనే
ఉందని తెలిస్తే సైలెంట్లో ఉన్నా బిగ్గరగా అలారం సౌండ్ వచ్చేలా
చేయవచ్చు. దీంతో ఫోన్ ఎక్కడుందో తెలిసిపోతుంది. డివైజ్ లాక్/
అన్లాక్, కాల్బ్యాక్ రిక్వెస్ట్, సిమ్ చేంజ్ నోటిఫికేషన్, మెసేజ్ డిస్ప్లే
వంటి ఫీచర్లు అదనం.
వేర్ అవేర్
ఫోన్ ఎక్కడ పడితే అక్కడ పెట్టి మరిచిపోతుంటారా? అయితే ఈ వాచ్
మీరు ధరించాల్సిందే. ఈ వాచ్ ఉంటే ఫోన్ మరిచిపోయే ప్రసక్తే
ఉండదు. ఫోన్ మీ వెంట లేకపోతే ఈ ఆండ్రాయిడ్ వేర్ వాచ్
మిమ్మల్ని హెచ్చరిస్తుంది. వాచ్, స్మార్ట్ఫోన్కు మధ్య సిగ్నల్స్
అనుసంధానం అవుతుంటాయి. ఒకవేళ ఈ రెండింటి మధ్య
సిగ్నల్స్ లేకపోతే వైబ్రేషన్స్తో హెచ్చరిస్తుంది. సింపుల్గా
ఉంటుంది. ఎఫెక్టివ్గా పనిచేస్తుంది.
సెర్బెరస్ యాంటీథెఫ్ట్
పోయిన ఫోన్ను రికవరీ చేయడానికి ఉపయోగపడే బెస్ట్ యాంటీథెఫ్ట్
యాప్ ఇది. ఫోన్ ఎక్కడుందో కనిపెట్టడానికి బాగా ఉపకరిస్తుంది.
ఫోన్లోని డాటాను రిమోట్గా పొందవచ్చు. సెర్బెరస్ వెబ్సైట్లోకి వెళ్లి
రిమోట్గా డాటాను యాక్సెస్ చేసుకోవచ్చు. ఏ లొకేషన్లో ఉందో ట్రాక్
చేయవచ్చు. కోడ్తో డివైజ్ను పర్మనెంట్ లాక్ చేయవచ్చు. ఫోన్ను
ఎవరు ఉపయోగిస్తున్నారో, వారి ఫోటోలు, వీడియోలు తీసుకోవచ్చు.
వారు చదివేలా స్ర్కీన్పై మెసేజ్ డిస్ప్లే అయ్యేలా చేయవచ్చు.
మైక్రోఫోన్ సహాయంతో కాల్ డాటాను రికార్డు చేసుకోవచ్చు.
ఇంటర్నల్, ఎస్డీకార్డులో డాటాను డిలీట్ చేయొచ్చు. లాస్ట్కాల్
ఎవరికి చేశారో తెలుసుకోవచ్చు. మొత్తంగా ఈ ఫీచర్స్తో పోయిన
ఫోన్ను కనిపెట్టడం చాలా సులువు.
అవాస్ట్
ఇందులోనూ దాదాపుగా అవే ఫీచర్స్ ఉంటాయి. రిమోట్గా డాటాను
తొలగించుకోవచ్చు. ఫోన్ ఎవరిచేతుల్లో ఉందో వారి ఫోటోలు
తీసుకోవచ్చు. ఆ చుట్టుపక్కల వాయిస్ని వినొచ్చు. జీపీఎస్
సహాయంతో ఏ ప్రదేశంలో ఉన్నారో లొకేట్ చేయొచ్చు. టెక్ట్స్ మెసేజ్
పంపించి ఫోన్ లాక్ అయ్యేలా చేసుకోవచ్చు.
ఆండ్రాయిడ్ డివైజ్ మేనేజర్
గూగుల్ అందిస్తున్న యాప్ ఇది. లాస్ట్ ఫోన్ను లొకేట్ చేయడానికి
ఉపయోగపడుతుంది. అంతేకాకుండా డివైజ్లో ఉన్న డాటా ఇతరుల
చేతుల్లో పడకుండా కాపాడుకోవచ్చు. గూగుల్ అకౌంట్
సహాయంతో ఆండ్రాయిడ్ డివైజ్ను లొకేట్ చేయవచ్చు. స్ర్కీన్
లాక్పిన్ను రీసెట్ చేసుకోవచ్చు. కావాలంటే డాటా మొత్తం
తుడిచేయవచ్చు.
ఫైండ్ మై ఆండ్రాయిడ్ ఫోన్
ఫోన్ లొకేషన్ రియల్ టైమ్ అప్డేట్ని అందిస్తుంది. ఫోన్ ఉన్న
వ్యక్తి ఒక ప్రదేశం నుంచి మరో ప్రదేశానికి
మారుతున్నట్లయితే వెంటనే చూపిస్తుంది. దీంతో స్టోలెన్
ఫోన్ను గుర్తించడం ఈజీ అవుతుంది. ఫైండ్ మై
ఆండ్రాయిడ్ ఫోన్ వెబ్సైట్ ఇన్స్టంట్గా లొకేషన్ అప్డేట్ని
పొందవచ్చు.
ఫైండ్ మై ఫోన్ (ఆండ్రాయిడ్ వేర్)
ఆండ్రాయిడ్ వేర్ స్మార్ట్వాచ్ మాదిరిగానే ఈ యాప్ ఫోన్కు దూరంగా
వెళితే అలర్ట్ చేస్తుంది. అలారం వచ్చేలా సెట్ చేసుకోవచ్చు.
ప్రె యాంటీథెఫ్ట్
జియోలొకేషన్ ఫీచర్తో పోయిన ఫోన్ ఎక్కడుందో తెలుసుకోవచ్చు.
జీపీఎస్, వైఫై ట్రయాంగులేషన్తో ఫోన్ ఎక్కడుందో మ్యాప్లో
గుర్తించవచ్చు. గాట్యా మాదిరిగానే ఇందులోనూ ఫోటో ట్రిక్
ఉపకరిస్తుంది. ఫ్రంట్ ఫేసింగ్ కెమెరా, రేర్ కెమెరాతో రిమోట్గా
ఫోటోలు తీసి పొందవచ్చు. ఇతరులు ఓపెన్ చేయకుండా రిమోట్గా
లాక్ చేయవచ్చు.
యాంటీ థెఫ్ట్ అలారం
టూర్స్కు వెళ్లినపుడు, ప్రయాణాల్లోనూ సౌలభ్యాన్ని బట్టి
చార్జింగ్ పెట్టాల్సి వస్తుంది. ఆ సమయంలో ఫోన్ను
కనిపెట్టుకుని ఉండాల్సి వస్తుంది. అలాకాకుండా మొబైల్లో
యాంటీథెప్ట్అలారం ఇన్స్టాల్ చేసి ఆన్ చేసినట్లయితే ఎవరైనా ఫోన్
చార్జింగ్ నుంచి తీస్తే పెద్ద శబ్ధం చేస్తుంది.
అంతేకాకుండా ఫోన్ లాక్ అవుతుంది. అలారం శబ్ధాన్ని ఎట్టి
పరిస్థితుల్లోనూ ఫోన్ను తస్కరించిన వ్యక్తి ఆపలేడు. పిన్
ఎంటర్ చేయడం ద్వారా మీరు మాత్రమే ఆపగలుగుతారు. ఫోన్ను
ఎవరైనా తీస్తారేమోననే భయం ఉండదు.
లుకవుట్
ఇది అద్భుతమైన యాప్. ఫోన్ను ట్రాక్ చేయడానికి బాగా
ఉపకరిస్తుంది. చేయాల్సిందల్లా యాప్ని ఇన్స్టాల్ చేసుకోవడమే.
కాంటాక్ట్స్, ఫోటోలు బ్యాకప్ పెట్టుకోవచ్చు. ఒకవేళ ఫోన్
పోయినట్లయితే మరొక స్మార్ట్ఫోన్ లేదా కంప్యూటర్లో నుంచి
లుక్అవుట్ అకౌంట్లోకి లాగిన్ అయి మిస్ప్లేస్ అయిన ఫోన్ను ట్రాక్
చేయవచ్చు. ఈ యాప్లో కొన్ని ముఖ్యమైన ఫంక్షన్స్ ఉన్నాయి.
అవి లొకేట్, స్ర్కీమ్, సిగ్నల్ ఫ్లేర్, లాక్ కామ్. లుక్అవుట్
అకౌంట్లోకి యూజర్ లాగిన్ అయిన తరువాత ఈ ఆప్షన్ను
యాక్టివేట్ చేయవచ్చు. వెంటనే ఫోన్ను ట్రాక్ చేసి అది ఉన్న
ప్రదేశాన్ని గూగుల్ మ్యాప్లో చూపిస్తుంది. పోగొట్టుకున్న
డివైజ్ ఏ లొకేషన్లో ఉందో తెలియజేస్తూ మెయిల్ కూడా వస్తుంది.
మొబైల్ ఎక్కడ ఉందో తెలియజేసేందుకు స్ర్కీమ్ ఫీచర్ పెద్దగా
అలారం సౌండ్ చేస్తుంది. ఒకవేళ ఫోన్ బ్యాటరీ పూర్తిగా డౌన్
అయిపోతే కనుక్కోవడం కష్టంగా మారుతుంది. ఆ సమయంలో
సిగ్నల్ ఫ్లేర్ ఫీచర్ ఉపయోగపడుతుంది. బ్యాటరీ డెడ్
అవుతున్నట్లయితే లుక్ అవుట్ అప్లికేషన్ ఆటోమెటిక్గా చివరగా
ట్రేస్ చేసిన లోకేషన్ను అకౌంట్లో సేవ్ చేస్తుంది. ఫోన్ను అన్లాక్
చేసేందుకు ప్రయత్నించి, మూడు సార్లు విఫలమైతే
స్మార్ట్ఫోన్లో ఉన్న కెమెరా ఆటోమెటిక్గా ఫోటోలను తీస్తుంది. రిజిస్టర్
చేసుకున్న ఐడీకి మెయిల్ పంపిస్తుంది. ఇందుకోసం లాక్
కామ్ ఫీచర్ ఉపయోగపడుతుంది. మొత్తంగా లుకవుట్ ఉంటే
మొబైల్ భద్రంగా ఉన్నట్లే. ఖరీదైన ఫోన్ కొనగానే సరిపోదు. అవసరమైన
యాప్స్ ఇన్స్టాల్ చేసుకోవాలి. అప్పుడే ఫోన్కు, అందులోని డాటాకు
భద్రత లభిస్తుంది. ఈ యాంటీ థెఫ్ట్ యాప్స్ ఉంటే నిశ్చింతగా
ఉండొచ్చనడంలో సందేహం లేదు కదూ.

Read More

Learn Photoshop Right Now

ఫోటోషాపుపై ఆసక్తి ఉండీ నేర్చుకోవాలనుకునే ప్రతి ఒక్కరికి ఉపయోగపడే ట్యుటోరియల్ వీడియోస్ (తెలుగులో) మీకోసం... www.rktechinfo.com

-------------------------------------------------
→ఫోటోషాప్ టూల్స్ ( పార్ట్-1 )

→ ఫోటోషాప్ టూల్స్ ( పార్ట్-2 )

→ మోనోక్రోమ్ మరియు కలర్ ఎఫెక్ట్స్ ఫొటోషాప్ లో 

→ ఫొటోషాప్ను ఉపయోగించి passport ఫోటోలను తయారు చేయుట

→అను స్క్రిప్ట్ మేనేజర్ను విండోస్ 7, 8, 8.1 మరియు విండోస్ 10 లలో ఎలా ఉపయోగించాలి

→ఫోటోషాప్ CS6 మరియు CC [14.0] లలో తెలుగు ఎలా టైప్ చేయాలి

→ఫోటోలలో పర్సన్ యొక్క జుట్టు తొలగకుండా నీట్_గా బ్యాక్_గ్రౌండ్ మార్చుట

→వివిధ రంగులను కలిగి ఉన్న బ్యాక్_గ్రౌండ్_ను తొలగించి కావలసిన బ్యాక్_గ్రౌండ్ అప్లై చేయుట

→ఫ్రీ హ్యాండ్ టైపింగ్ ఫోటోషాపులో

→లేయర్ మాస్క్ ఫీచర్ ఉపయోగించుట

→బ్యానర్లు తయారీ నేర్చుకొనుటకు ప్రాథమిక అవగాహన

→తేలికైన పద్దతిలో డ్రస్ కలర్ మార్చుట

→ఆకుపై కృత్రిమ నీటి బిందువును సృష్టించుట

→అక్షరాలకూ మరియు లేయర్_కు లైటింగ్ ఎఫెక్టు

Read More

Post .gif Animations to Facebook

         

ఫేస్బుక్ లో .jpeg ఫోటో లను పోస్ట్ చేయడం సర్వసాధారణమే , కాని  ఈ మద్య వచ్చిన అప్డేట్ లో ఫేస్బుక్ లో అనిమేషన్ ఫోటోలను (.gif) లను కూడా అప్లోడ్ చేయడానికి వీలు కల్పించారు. 

      కాని ఇక్కడ ఒక చిక్కు ఉంది , అదేంటంటే .gif డైరెక్ట్ గా అప్లోడ్ చేయడానికి వీలు లేదు. మరి ఎలా అప్లోడ్ చేయాలి అంటారు అంతే కదా! చెప్తాను 

      ఎలా అంటే వెబ్ లో ఉన్న .gif ల యొక్క లింక్ లను పోస్ట్ చేయడం ద్వార అనిమేషన్ అయ్యే ఇమేజ్ లను కూడా మనం ఫేస్బుక్ లో పొందవచ్చు .

Read More

Charles Babbage Death Anniversary

ఈరోజు ప్రఖ్యాత శాస్త్రవేత్త, కంప్యూటర్ పితామహుడు ఛార్లెస్ బాబ్బేజ్ వర్థంతి..

ఛార్లెస్ బాబ్బేజ్  (26 డిసెంబరు 1791 - 18 అక్టోబరు 1871) ఒక ఇంగ్లీషు గణితశాస్త్రవేత్త, తత్త్వవేత్త, మెకానికల్ ఇంజనీరు, మరియు నమూనా ప్రోగ్రామబుల్ కంప్యూటర్ ను తయారు చేసిన ఒక కంప్యూటర్ శాస్త్రవేత్త. ఈయనను కంప్యూటర్ పిత అని కూడా అంటారు.

       తన పై చదువులకు 1810 లో ట్రినిటీ కాలేజీ , కేంబ్రిడ్జి కు వెళ్ళాడు. అక్కడ లీబ్నిట్జ్, లగ్రాంజ్, సింప్సన్, లాక్రియాక్స్ లను చదివిన ఛార్లెస్ బాబ్బేజ్ , అక్కడి గణిత శాస్త్ర భోధన తో నిరుత్సాహపడి, జాన్ హెర్షల్, జార్జి పీకాక్ ఇంకా కోందరితో కలిసి  1812 లో Analytical Society (విశ్లేషక సమాజం) ను స్థాపించాడు. కంప్యూటర్ నిర్మాణానికి ఆద్యుడు చార్లెస్ బాబేజ్. 1791 డిసెంబర్ 26 న బెంజిమన్, బెట్సీ దంపతులకు లండన్‌లో జన్మించారు. ప్రాథమిక,ఉన్నత విద్యాభ్యాసాలు ఇంటివద్ద, ప్రైవేట్ పాఠశాలలో జరిగాయి. పై చదువులను కేంబ్రిడ్జ్‌లోని ట్రినిటీ కాలేజ్, పీటర్‌హౌస్‌లో పూర్తిచేసి కేంబ్రిడ్జ్ యూనివర్సిటీ నుంచి గౌరవపట్టా పొందారు. కేంబ్రిడ్జ్‌లో గణితాచార్యుడిగా కొంతకాలం పనిచేసి మంచి గణిత శాస్త్రజ్ఞుడిగా పేరు తెచ్చుకొన్నారు .

గణిత శాస్త్ర పట్టికలలో అధిక దోషాలను నివారించడానికి, బాబాజ్ యాంత్రికముగా పట్టికలను తయారుచేసే విధానము కనుక్కోగడానికి ప్రయత్నంచాడు. బాబాజ్ మొదటి ఆశయం మెకానికల్ ఇంజన్  కంప్యూటర్. కాని అది అవసరమగు నిధులు లేక అప్పటిలో నిర్మించబడలేదు. 1991లో ఛార్లెస్ అసలు ప్లాన్ తో ఒక డిఫరెన్స్ ఇంజన్ ను నిర్మిస్తే అది చక్కగా పని చేసింది.

సొంతంగా గణనలు చేసే యంత్రానికి బాబేజ్ రూపకల్పన చేశారు. 'డిఫరెన్స్ ఇంజిన్', 'డిఫరెన్స్ ఇంజిన్ - II', సాంకేతికంగా ఎంతో ఉన్నతమైన 'ఎనలటికల్ ఇంజిన్ అనే యంత్రాలను తయారు చేశారు. వీటికి సంబంధించిన పత్రాలను చదివిన ఎందరో శాస్త్రవేత్తలు బాబేజ్ కృషిని ప్రశంసించారు. ఈ యంత్రాలు ప్రస్తుత కంప్యూటర్‌లా ఆలోచించి, సమస్యల సాధనను మానవ సాయం లేకుండా పరిష్కారాన్ని  కనుక్కొనే విధంగా ఉన్నాయని భావించారు. అందరు బాబేజ్‌ను కంప్యూటర్ నిర్మాణానికి ఆద్యుడు అని పిలిచారు. రైల్వే సంస్థల కోసం 'పైలట్', 'డైనమో మోటార్ కారు', కంటి పరీక్షల కోసం 'ఆఫ్తాలమోస్కోప్' అనే పరికరాలను కూడా చార్లెస్ బాబేజ్ తయారు చేశారు. గణిత, ఖగోళ సంబంధ పట్టికలను గణన చేసే యంత్రాన్ని తయారుచేశాడు. ఈ పరిశోధనకు 1824లో రాయల్ ఆస్ట్రనామికల్ సొసైటీ నుంచి బంగారు పతకాన్ని పొందారు. బాబేజ్ జ్ఞాపకార్థం చంద్రునిపై ఉన్న ఒక బిలానికి బాబేజ్ బిలం అని పేరు పెట్టడమే కాకుండా ఆయన పేరుమీద చార్లెస్ బాబేజ్ ఇన్‌స్టిట్యూట్ అనే సంస్థను కూడా స్థాపించారు. చార్లెస్ బాబేజ్ గారు 1871లో 79వ ఏట మరణించారు.

Read More

How to Post Facebook And Twitter At a time

ఫేస్బుక్ లో పోస్ట్ చేసిన ప్రతీది ఆటోమేటిక్ గా ట్విట్టర్ లోకి కూడా పోస్ట్ అయితే ఎంత బాగుంటుందో కదా .!
అవును మరి ఈ ఆలోచన తోనే ఈ వీడియో ని మీకోసం YouTube ద్వారా అందించందం జరిగింది 
మీరు ఫేస్బుక్ లో పోస్ట్ చేస్తున్న ప్రతి ప్రోస్ట్ డైరెక్ట్ గా క్షణాలలో మీ ట్విట్టర్ ఎకౌంటు లోకి కూడా ట్వీట్ చేయబడడం ఎలానో తెలుసుకోవాలంటే  ఈ క్రింది వీడియో ని తప్పక చూడాల్సిందే 
మరిన్ని టెక్నికల్ వీడియోస్ అప్డేట్ కోసం మా యుట్యూబ్ ఛానల్ ని సబ్స్క్రయిబ్ చేస్కోగలరు

video link : http://bit.ly/HSfb2twitter

Read More

అందరికి వందనాలు

నాకు ఈ రోజు చాల సంతోషంగా ఉంది . . 

ముఖ పరిచయం లేకున్నా  ముఖ పుస్తకం ద్వార పరిచయం అయి నా పోస్ట్ లను నా వీడియో లను అభిమానిస్తున్న నా మిత్రులందరిని చూస్తుంటే నాకు చాల సంతోషంగా ఉంది . 

ఈ రోజు నేన్ ఇంత సంతోషంగా ఉన్నానంటే ఏదో నేను పడ్డ కస్టాలు కాదు , నేను అనుభవించిన అనుభావాలు కాదు. 

నేను చేసిన కృషి 20 శాతం అయితే నాకు మీరిచ్చిన సహకారం నా పోస్ట్ లను వీక్షించడం ఆరాధించండం 80 శాతం. 

ఇప్పుడు అనిపిస్తుంది నేను ఎ ఉద్దేశం తో నైతే  బ్లాగ్ మరియు యుట్యూబ్ మొదలు పెట్టానో ఆ ఉద్దేశం ఆ ద్యేయం నెరవేరుతుంది అని .. 

మీ సహకారం లేనిదీ నేను సూన్యం తోని సమానం .. 

ఒక్కపుడు నన్ను నానా మాటలు అన్న నా సహా మిత్రులు ఇప్పుడు మీ సహకారం తో, మీ కామెంట్ లతో, మీ అభిమానం తో వాళ్ళు కూడా మారిపోయి నా పోస్ట్ లను చదవడం మొదలెట్టారు .. 

ఎప్పటికి వీళ్ళను మార్చలేను అనుకున్న నాలో ఒక తేజాన్ని నింపారు మీరు, మీకు నా హృదయపూర్వక వందనాలు . 

చిన్న చినన్ గ్రామాల నుంచే కాదు పెద్ద పెద్ద దేశాల నుంచే నా పోస్ట్ లను వీక్షిస్తున్నారు అంటే అంత కన్నా సంతోషం ఏముంది .. 

మీ సహకారాన్ని అందిస్తూ నేను చేస్తున్న పోస్ట్ లను వీడియో లను వీక్షితున్న వీక్షకులందరికి మరియు నా సహా మిత్రులకు అలాగే నా ముఖపుస్తక మిత్రులందరికీ పేరు పేరున శతకోటి వందనాలు తెలుపుకుంటున్నాను.

Read More

How to Stop Auto Play Videos In Facebook

ఈ మద్య ఫేస్బుక్ కొత్తగా   కొన్నిమార్పులు జరిగినాయి. అందులో బాగంగానే ఫేస్బుక్ లోని వీడియోస్ మనం వీడియో పై రాగానే ఆటోమేటిక్ గా ప్లే అవడం జరుగుతుంది . ఇది మంచి ఫెసిలిటీ నే కాని అందరికి ఇది సౌకర్యంగా ఉండక పోవచ్చు .. మరి అందుకని ఈ ఫెసిలిటీ ని మనం ఆఫ్ చేస్కొనే అవకాశం కూడా ఉంది .. దానికి కేవలం సింపుల్ గా 

http://bit.ly/HSfbvidautoplay

ఈ లింక్ పై క్లిక్ చేసి అక్కడ కనిపిస్తున్న Auto-Play Videos ని ఆఫ్ చేస్తే సరిపోతుంది ..
మొబైల్ యాప్ వాడుతున్నవారు ఫేస్బుక్ అప్లికేషను లో యాప్ సెట్టింగ్ లోకి వేల్తితే అక్కడ ఆటో ప్లే వీడియోస్ ని ఆఫ్ చేస్కొనే అవకాశం ఉంది ..

Read More